點擊進入原帖 ，與作者交流

以下係本人對CCB封測試玩時的感受
(完全原創，無复制，請勿轉貼，若轉貼請列明出處！)


雖然CCB開始至今，因時間關係，只玩了3日，但也有了一些淺薄既見解及感受，首先第一日入GAME時，睇到遊戲畫面，感覺雖然比不上某些大作，但比上不足比下有餘，最主要唔會虐待眼球，之前玩過幾隻所謂新GAME，入到遊戲角色創建我就DELETE左，畫質實在不堪入目，完全沒有去深究佢既可玩性！(所以呢個年代外觀確實係重要！)


講到可玩性，我以減分制比分，10分滿分既話，我比8分！點解會係8分？我唔係亂比！原因如下:

減分原因1.有部份系統太過畫蛇潻足，我的狐狸女友(以下簡稱天命)同好多同類型GAME一樣，有技能，神通(可以叫做天賦)，寵物......各大系統，而且有一個特色系統"72變"！我個人覺得呢個系統，好似半完成品，作用實在不太大，當作一個小娛樂就還可以，其實可以將個系統再做完善D，比如特性特效方面可以做得突出D，作為一個只有呢個遊戲有既特色系統，如果係型同虛設既話，吸引唔到人，就浪費左！(減一分)

減分原因2.裝備強化系統太花巧，亦可能係廠商為遊戲增加收入來源既賣點，需然宜家好多遊戲都係咁做，但實在沒太大新意，強化，開洞，入石，如此類推.....等等！全部都為商城設計的，其實只要遊戲內容本身好玩，可玩性高的話，減少1至2樣呢D完全為左賺錢既系統，未必會係壞事！(減一分)


遊戲內小問題:再講下遊戲內"物品"同"物品圖標"既問題，遊戲內既雜物，唔係一般既多，係好多好多，多到有時候無位放，更有些物品用途係不明既，對新手玩家黎講，真係唔知點樣去取捨，需然我見到論壇內有玩家分享左一篇關於物品既內容帖，但只係粗略講解，更何況難道要邊玩邊出去睇帖？所以呢方面可以做好D，物品介紹可以再清楚D！講完物品，再講下"物品圖標"！好多時打開背包，睇到一堆既物品係度，真係有D亂，需然有物品分類功能，但係物品圖標美工方面確實係差左少少，唔可以第一眼就睇得清楚！(其實問題不大，只係呢方面可以再有進步！呢個爛GAME滿天飛既時代，唔係你抄人就人抄你，可以向係呢方面做得好既GAME取材)


仲有一樣一定要講，就係"自動尋路"系統，實在有點強差人意(呢部份我在迎天命CB活動三有講過，係呢度就唔再詳細講了，免得一帖二用！想睇返既可以去睇下)

以上內容都係講出一部份既缺點或者小問題，如果閣下有耐性同真係覺得本人寫得不錯既話，請繼續開始睇下面既優點！

--------------------------------------我係一條微不足道既小小分割線-------------------------------------------------------

講左一大堆個人認為係缺點同小問題之後，開始正式講下"我的狐狸女友"吸引人既地方:

不錯的畫質:一開始我講過"畫質"比上不足，比下有餘！確實，而家香港既GAME，有幾多隻可以做到咁既質素，設置開到最高既時候，個人感覺埸景同人物都睇得好順眼，唔會有起晒角同人物埸景唔夾既感覺，畫風亦係本人接受到既半Q版，值得一讚！總結:算是上上之作
(如果某某人偏要話比起邊隻邊隻GAME差太遠既話，咁你就繼續停留去玩果隻GAME好了，沒人會阻止，同時也阻止不了你！)

實而不華既操作同打擊感:本人因為玩法師既關係，無去特別刻意同怪有肉搏戰(強調一點:我係玩家，唔係評測員，唔會咁傻！)大多數時候都係用法術技能，減少肉搏既機會(法師本來應該就係受保護動物)，所以先講下法術打擊方面，起初感覺是普普通通，但隨著LV升，技能越黎越多，就可以開始配合一下技能，可以開始放風箏，呢個時候就可以體會到實際操作，個人感覺放技能同走位都好順暢，可以隨心所想去行動，唔會飄飄下咁樣，打擊聲效方面也是不錯，我刻意將特效聲音調高，去感受打擊快感，雖然唔似其他ACT遊戲會有好強烈同真實既感覺，但至少聲音同打擊時間係配合到，唔錯唔錯！
(註:真係有某些同類型GAME玩起上黎，操作會飄下飄下，你玩過未？好恐怖！在此我不出名，也別去追問！)

我本來仲想寫落去，但已經遲左入GAME，我仲要追LV，有機會下次再寫詳細D！(已經遲左成個鐘...)

P.S強調以上係個人見解同觀點！
     加分請隨便！不喜請勿插！(我會反插！)


再附一張小弟遊戲時向天唱歌的圖！

遙遠的她

遙遠的她，不可以再歸家.....家...家....(原唱:學友哥！)